Presentación de la Banda de Gaites Llacín

  • Imprimir

La Banda de Gaites LLACIN surde nel añu 1.998 nel senu de la Escuela de Música Tradicional" perteneciente a l'Asociación Cultural y Etnográfico Llacín" de Porrúa (Llanes, Asturies), de referencia imprescindible como inquieta promotora d'iniciatives tales como la creación del "Museu Etnograficu del Oriente d'Asturies" y el "Mercau Ástur" que se celebra tolos branos na localidá Porruana.


Dende los sos entamos, trabaya pol interés cultural del Conceyu de Llanes y d'Asturies, potenciando'l patrimoniu cultural y contribuyendo a la so investigación, divulgación y promoción, siendo dirixida por Víctor Carbajal Gómez y Nuria Tarodo Marqués.
Na actualidá ta formada por más de 80 componentes, utilizando gaitas afinaes en si bemol, con roncón y ronquin , y como percusión: 12 caxes d´alta tensión, 6 tambores tenores, timbalera y bombu.
Nel repertoriu podemos atopar pieces tradicionales asturianes con arreglos pa la mesma banda, composiciones propies, según amueses del folclor bretón, irlandés y escocés. Tou ello, xuntu con una cuidada puesta n'escena, conformen a la Banda de Gaites Llacín" como un apueste seguru qu'enllaza pasáu, presente... y mira de forma decidida al futuru.

Los traxes emplegaos son tradicionales del Oriente d'Asturies.

Amás, tres toos estos años de trabayu, ye unu de los principales embaxadores culturales del nuesu pueblu y el so conceyu, dando a conocer la so música, cultura y tradiciones más allá de les nueses fronteres, tantu n'otres Comunidaes Autónomes como países europeos.

 

Ficha técnica de la banda y Preseos